سپریم کورٹ نے ملک میں ایک ساتھ انتخابات کرانے سے متعلق کیس میں اپنا حکم نامہ جاری کردیا ہے۔
میڈیا ذرائع کے مطابق سپریم کورٹ نے 27 اپریل کی سماعت میں ملک میں ایک ساتھ انتخابات کرانے کے حوالے سے اپنا حکم نامہ جاری کیا ہے، جس میں کہا گیا ہے کہ سیاسی جماعتوں کی جانب مذاکرات ان کی اپنی کوشش ہے، سپریم کورٹ نے سیاسی جماعتوں کو مذاکرات کی کوئی ہدایت نہیں کی۔
عدالتی حکم نامے میں وضاحت کی گئی ہے کہ سپریم کورٹ کا 14 مئی کو انتخابات کروانے کا حکم اپنی جگہ برقرار ہے ۔ عدالت معاہدے کے لیے سیاسی جماعتوں کی رضا کارانہ کوشش کو سراہتی ہے۔