غزہ میں اسرائیل اور حماس کے درمیان 7 روزہ جنگ بندی ختم ہو گئی ہے۔
عرب میڈیا کے مطابق غزہ میں 7 روزہ جنگ بندی ختم ہونے کے بعد شمالی غزہ میں دھماکوں اور فائرنگ کی اطلاعات موصول ہوئی ہیں۔
اسرائیلی میڈیا کا کہنا ہے کہ جمعے کی صبح غزہ سے ایک راکٹ فائر کیا گیا تھا جسے اسرائیلی فوج نے ٹریس کیا جب کہ راکٹ حملے کے بعد علاقے میں سائرن بھی بجائے گئے۔
اسرائیلی فوج نے جمعے کے روز ایک بیان میں کہا کہ ہم نے غزہ کی پٹی میں حماس کے خلاف دوبارہ فوجی کارروائیاں شروع کر دی ہیں، جب کہ اسرائیل نے مزاحمتی گروپ پر معاہدے کی خلاف ورزی کرتے ہوئے اسرائیلی علاقے میں فائرنگ کا الزام لگایا ہے۔
Hamas violated the operational pause, and in addition, fired toward Israeli territory.
The IDF has resumed combat against the Hamas terrorist organization in Gaza. pic.twitter.com/gVRpctD79R
— Israel Defense Forces (@IDF) December 1, 2023
تاہم اسرائیلی الزام پر حماس کی جانب سے فوری طور پر کوئی بیان سامنے نہیں آیا۔
واضح رہے کہ غزہ میں اسرائیل اور حماس کے درمیان جنگ بندی 24 نومبر کو شروع ہوئی تھی جس میں دو بار توسیع کی گئی تھی اور یہ جنگ بندی جمعہ کی صبح بغیر کسی توسیع کے ختم ہو گئی تھی۔