پشاور: ورسک روڈ پر بابو گڑھی اسٹاپ میں بارودی مواد دھماکے کی سی سی ٹی وی فوٹیج موصول ہوگئی۔
سی سی ٹی وی فوٹیج میں دھماکا ہوتے دیکھا جا سکتا ہے جبکہ دھماکے سے قبل روڈ پر رکشہ اور دیگر گاڑیوں کو چلتے دیکھا جا سکتا ہے۔
فوٹیج میں دھماکے کے وقت دو افراد کو کھڑے دیکھا جا سکتا ہے۔
پشاور ورسک روڈ پر بابو گڑھی اسٹاپ میں بارودی مواد کا دھماکا
دھماکےسے قبل روڈ پر رکشہ اور دیگر گاڑیوں کو چلتے دیکھاجاسکتا ہے۔ یہ دھماکا الیکشن رکاوٹ کے لیے کروایا گیا ہے ؟
#Peshawar pic.twitter.com/ojigJcKgXU— MUHAMMAD SHAOOR DADANI (@MSHAOOR) December 5, 2023
واضح رہے کہ ورسک بابو گڑھی میں نجی اسکول کے سامنے دھماکے کے باعث بچوں سمیت 4 افراد زخمی ہوگئے تھے۔ ایس پی ورسک محمد ارشد خان کے مطابق دھماکے میں 4 کلوگرام بارودی مواد استعمال ہوا ہے۔
ترجمان لیڈی ریڈنگ اسپتال محمد عاصم کے مطابق دھماکے کے چار زخمیوں کو ایل آر ایچ منتقل کیا گیا ہے، تین زخمی بچے ہیں جن کی عمر سات سے دس سال کے درمیان ہیں لیکن کوئی زخمی اسکول یونیفارم میں نہیں بلکہ راہگیر ہیں۔