کراچی: شہر قائد میں زلزلے کے جھٹکے محسوس کیے گئے، شدت 3.2 تھی۔
زلزلہ پیما مرکز کے مطابق کراچی میں 9 بج کر 26 منٹ پر زلزلے کے جھٹکے محسوس کیے گئے، جن کی ریکٹر اسکیل پر شدت 3.2 ریکارڈ کی گئی۔
زلزلہ پیما مرکز کے مطابق زلزلے کا مرکز کراچی کے جنوب مغرب میں 32 کلومیٹر کے فاصلے پر بحیرۂ عرب میں 42 کلومیٹر کی گہرائی میں تھا۔
واضح رہے کہ رواں سال کے دوران شہر میں اب تک کم شدت کے 3 زلزلے ریکارڈ ہوچکے ہیں،اس سے قبل آنے والے 2 زلزلوں کے اثرات مضافاتی علاقوں سمیت متفرق علاقوں میں رپورٹ ہوئے تھے۔
