بنوں: تھانہ میریان سرکلر روڈ پر پولیس اور مسلح افراد کے درمیان فائرنگ کے تبادلے میں ایک شہری جاں بحق، ایس ایچ او سمیت 6 افراد زخمی ہوگئے۔
پولیس ذرائع کے بعد تھانہ میریان سرکلر روڈ پر مسلح افراد نے پولیس کی گاڑی پر فائرنگ کی جس کے بعد پولیس اہلکاروں کی جانب سے بھی جوابی فائرنگ کی گئی۔
اس دوران فائرنگ کی زد میں آکر ایک شہری جاں بحق ہوگیا جبکہ ایس ایچ او اور پولیس اہلکاروں سمیت 6 افراد زخمی ہوگئے جنہیں ڈسٹرکٹ ہیڈ کوارٹر اسپتال منتقل کیا گیا۔
پولیس کے مطابق زخمی ہونے والوں میں تین عام شہری بھی شامل ہیں۔
پولیس ذرائع کا کہنا ہے کہ مسلح افراد فائرنگ کے بعد فرار ہو گئے جبکہ ان کی تلاش کیلیے سرچ آپریشن شروع کر دیا گیا ہے۔