لاہور: داتا دربار سے اغواء ہونے والے 10 سالہ بچی کو گجرات سے بازیاب کروا کر ورثاء کے حوالے کر دیا گیا۔
ایس پی انویسٹی گیشن سٹی منزہ کرامت کی سربراہی میں انچارج انویسٹی گیشن تھانہ داتا دربار نے 10سالہ بچی کو گجرات کے علاقہ کنجاہ سے بازیاب کروایا۔
انچارج انویسٹی گیشن داتا دربار ثقلین گوندل کے مطابق بچی کے والد نے اپنی مدعیت میں تھانہ داتا دربار میں بچی کے اغواء کا مقدمہ درج کروایا تھا، بچی کو جدید ٹیکنالوجی سمیت ہیومین انٹیلیجنس کی مدد سے بازیاب کروایا گیا۔
بچی کی بحفاظت بازیابی پر ورثاء نے انویسٹی گیشن پولیس کا شکریہ ادا کیا۔ ڈی آئی جی انویسٹی گیشن ذیشان اصغر نے کہا کہ عوام کے جان و مال کے تحفظ کے لیے انویسٹی گیشن پولیس لاہور ہمہ وقت کوشاں ہیں۔