اسلام آباد: تحریک انصاف( پی ٹی آئی ) کا خیبرپختونخوا سے وزیراعلیٰ علی امین گنڈا پور اور بانی پی ٹی آئی عمران خان کی اہلیہ کی قیادت میں آنے والا قافلہ اسلام آباد کی حدود میں داخل ہوگیا۔
میڈیا رپورٹس کے مطابق علی امین گنڈا پور نے مرکزی قافلے کی قیادت کرتے ہوئے اسلام آباد ٹول پلازہ پر گاڑی سے اترکر اسلام آباد کی حدود میں داخل ہوتے ہوئے کہا ہے کہ ہم عمران خان کی ہدایات کے مطابق عمل پیرا ہیں۔
انہوں نے مزید کہاکہ ہمارے کارکنان پرپنجاب پولیس نے ظلم وستم کرکے زبردستی جیل میں ڈال دیا ہے، ہم پر امن احتجاج کرنے کے لیے آئیں ہیں، لیکن حکومتی اشاروں پر ہمارے کارکنان پر جگہ جگہ ظلم کیا جارہاہے۔
خیال رہےکہ پی ٹی آئی نے اسلام آباد میں احتجاج کرنے کا اعلان کیا ہوا ہے، جس کی وجہ سے گزشتہ روز پورے دن مختلف جگہوں پر پی ٹی آئی کارکنا ن اور پنجاب پولیس کے درمیان تصادم ہوا، جس کے نتیجے میں ایک پولیس کانسٹیبل اور درجنوں کے حساب سے پولیس اہلکار زخمی ہوئے ہیں۔