لندن (انٹرنیشنل ڈیسک) برطانوی وزیر اعظم کیئر اسٹارمر کے 2روزہ دورئہ سعودی عرب کا اعلان کردیا گیا۔ یہ دورہ سعودی عرب اور برطانیہ کے درمیان سیاسی، اقتصادی اور ثقافتی سطح پر وسیع تعلقات کے تحت ہو رہا ہے جس کا مقصد دونوں ممالک کے درمیان تجارت سمیت دیگر شعبوں میں تعلقات کو وسعت دینا ہے۔ سعودی عرب اور برطانیہ کے درمیان دو طرفہ تجارت میں اضافہ ہوا ہے۔ 2018 ء سے 2023 ء تک 30 فیصد سے زیادہ تجارتی حجم ریکارڈ کیا گیا۔ دونوں ممالک نے اپنے درمیان تجارتی تبادلے کا حجم 2030 ء میں 37.5 ارب ڈالر تک بڑھانے کا منصوبہ بنایا ہے۔