پنجاب حکومت نے چھوٹے کاروباروں کو فروغ دینے کے لیے ’کاروبار کارڈ‘ سکیم شروع کرنے کا فیصلہ کیا ہے۔ یہ فیصلہ ہفتہ کو لاہور میں وزیراعلیٰ مریم نواز کی زیر صدارت ہونے والے اجلاس میں کیا گیا۔
اس سکیم کے تحت کاروباری افراد کو ایک لاکھ سے دس لاکھ روپے تک قرض فراہم کیا جائے گا تاکہ وہ اپنے کاروبار کو مزید ترقی دے سکیں۔ اجلاس میں ایک اور اہم فیصلے کے تحت ’چیف منسٹر آسان کاروبار فنانسنگ اسکیم‘ پر بھی اتفاق کیا گیا، جس کے تحت درمیانے درجے کے کاروباروں کو تیس ملین روپے تک قرض دیا جائے گا۔ اس قرض کی واپسی پانچ سال میں کی جائے گی۔
وزیراعلیٰ مریم نواز نے کہا کہ یہ اقدامات صوبے میں کاروباری اور صنعتی شعبوں کو فروغ دینے کے لیے کیے جا رہے ہیں، جس سے روزگار کے نئے مواقع پیدا ہوں گے اور معیشت کو مستحکم کرنے میں مدد ملے گی۔
اشتہار