اسکردو: اسکردو اور مضافات میں رواں موسم سرما کی دوسری برف باری کا سلسلہ رات گئے سے وقفے وقفے سے جاری ہے۔درجہ حرارت منفی 18 تک گرگیا۔
محکمہ موسمیات کے مطابق اسکردو میدانی علاقوں میں 3 انچ اور بالائی علاقوں میں ایک فٹ تک برف پڑ چکی ہے، برف باری کے باعث سردی کی شدت میں اضافہ ہو گیا، میدانی علاقوں میں درجہ حرارت منفی 13 اور بالائی علاقوں میں منفی 18 تک گر گیا ۔
برف باری کے باعث 90 فی صد بالائی علاقوں کا اسکردو سے زمینی رابطہ منقطع ہوگیا جبکہ قومی ایئرلائن کی پروازیں بھی منسوخ ہوگئیں ۔
محکمہ موسمیات نے برف باری کا نیا سلسلہ اگلے 24 گھنٹے تک وقفے وقفے سے جاری رہنے کی پیشگوئی کی ہے۔