واشنگٹن: امریکا میں شدید برفباری مسلسل جاری ہے۔ دوران برفباری میں مختلف جان لیوا حادثات رونما ہوئے ہیں، جس کے باعث ہلاکتوں کی تعداد میں بھی مسلسل اضافے کی اطلاعات سامنے آ رہی ہیں۔
عالمی میڈیا کے مطابق برفباری کی وجہ سے مختلف حادثات میں ہلاکتوں کی تعداد 115 سے بڑھ کر 150سے بھی متجاوز ہیں۔ اعلیٰ حکام کے مطابق مشرقی امریکا میں درجہ حرارت نقطہ انجماد سے بھی نیچے گر گیا ہے، بتایا جاتا ہے کہ شکاگو میں منفی 14، کلیولینڈ میں منفی 11ڈگری سینٹی گریڈ ریکارڈ کیا گیا۔ مقامی میڈیا کے مطابق ٹینیسی اور مسیسیپی میں وقفے و قفے سے ہونے والی شدید برفباری سے 1 لاکھ سے زائد صارفین بھی بجلی سے محروم ہوگئے ہیں۔ رپورٹ کے مطابق برفانی طوفان کے بعد فضائی سفر بدستور متاثر ہے، امریکن ائر لائنز کی 653 پروازیں منسوخ جبکہ 1 ہزار 77 تاخیر کا شکار رہیں۔ یہ بات بھی علم میں رہے کہ ڈیلس فورٹ ورتھ ائرپورٹ پر بھی برفباری اور بارش سے آپریشن شدید متاثر ہے۔
