ریاض: گزشتہ روز ترک صدر طیب رجب اردوان نے سعودی عرب کا کامیاب دورہ کیا۔ جس میں دونوں ممالک کی قیادت نے ایک بہت بڑا توانائی معاہدہ طے کیا۔
عالمی میڈیا کے مطابق ترک صدر طیب رجب اردوان نے اپنے ایک روزہ دورے پر جب سعودی عرب پہنچے تو ریاض کے ڈپٹی گورنر شہزادہ محمد بن عبدالرحمن نے ان کا شاندار اور پرتپاک استقبال کیا۔ اعلیٰ حکام کے مطابق ریاض کے قصر الیمامہ پہنچنے پر سعودی ولی عہد شہزادہ محمد بن سلمان نے ترک صدر کا خیر مقدم کیا۔ جہاں شاہی محل آمد پر ترک صدر کا پرتپاک استقبال اور گارڈ آف آنر پیش کیا گیا۔ اس موقع پر دونوں جانب کی مرکزی قیادت میں دوطرفہ تعلقات، علاقائی صورتحال سمیت اہم امور پر بات چیت ہوئی۔ جس میں سعودی عرب اور ترکیہ کے درمیان سولر انرجی معاہدہ کیا گیا۔ معاہدے کے مطابق سعودی عرب ترکیہ میں 5 گیگاواٹ سولر انرجی کے منصوبے لگائے گا۔
