لبنان کی مزاحمتی تنظیم حزب اللہ کے سربراہ نعیم قاسم نے اسرائیل کے ساتھ براہ راست مذاکرات کو مکمل طور پر مسترد کر دیا ہے۔
اپنے بیان میں نعیم قاسم نے اسرائیل سے بات چیت کو گناہ قرار دیتے ہوئے کہا کہ اس طرح کے مذاکرات لبنان کے لیے نقصان دہ اور عدم استحکام کا باعث بن سکتے ہیں، اس لیے براہ راست مذاکرات کسی صورت قبول نہیں۔
انہوں نے کہا کہ مزاحمت پوری قوت کے ساتھ جاری ہے اور اسے شکست نہیں دی جا سکتی، حکام کو چاہیے کہ براہ راست مذاکرات کے بجائے بالواسطہ سفارتی ذرائع اختیار کریں۔
سربراہ حزب اللہ کا مزید کہنا تھا کہ تنظیم اپنے ہتھیار نہیں ڈالے گی اور لبنان کے دفاع کے لیے ہر ممکن اقدام جاری رکھا جائے گا، چاہے دشمن کی جانب سے کتنی ہی دھمکیاں کیوں نہ دی جائیں۔