بیجنگ: چین کی 6 سالہ بچی نے روبک کیوبک کا ورلڈ ریکارڈ دوبار توڑ دیا ہے۔
چین کے شہر چینگدو سے تعلق رکھنے والی 6 سالہ اسپیڈ کیوبر لیان یونژی نے ووہان اور گوانگژو میں مقابلوں کے دوران تین دنوں میں دو بار خواتین کا 3×3 روبک کیوب کا اوسط عالمی ریکارڈ توڑا ہے۔
بچی نے بالترتیب 4.52 سیکنڈ اور 4.27 سیکنڈ میں یہ اعزاز حاصل کیا ہے جس کے ساتھ ہی وہ 4.5 سیکنڈ سے کم وقت میں اعزاز حاصل کرنے والی پہلی فی میل اسپیڈ کیوبر بن گئیں۔
انہیں نصابی سرگرمیوں کے علاوہ منعقد ہونے والی ایک کلاس کے ذریعے کیوبنگ سے متعارف کرایا گیا تھا بعد ازاں ان کی والدہ نے ان کی ہمہ جہت صلاحیتوں کو نکھارنے کے لیے کیوبنگ پر خصوصی توجہ مرکوز کی۔
لیان نے کیوب حل کرنے کے 1300 سے زائد الگورتھمز پر مہارت حاصل کرلی ہے اور وہ روزانہ اپنے والدین کے ساتھ 2 سے 3 گھنٹے مشق کرتی ہیں۔
Six-year-old averages 4.27 seconds on a Rubik’s Cube — a new FEMALE WORLD RECORD
China’s Lian Yunzhi broke the benchmark twice in just three days https://t.co/0FgvuvdAQl
— RTVisual (@RT_Visual_on_X)
ورلڈ کیوب ایسوسی ایشن کے مطابق انہوں نے چین بھر میں 33 مقابلوں میں حصہ لیا ہے اور ان کے نام 569 آفیشل ‘سولو’ (کیوب حل کرنے کے مقابلے) درج ہیں۔ 3x3x3 کیوب کے لیے ان کا بہترین انفرادی ریکارڈ 3.54 سیکنڈ اور 2x2x2 کیوب کے لیے 2.15 سیکنڈ ہے۔
لین نے کہا کہ روبک کیوب حل کرنے سے توجہ، یادداشت، منطقی سوچ اور مقامی آگاہی میں بہتری آتی ہے اور یہ جیت اور ہار کے حوالے سے ایک صحت مند ذہنیت پروان چڑھانے میں بھی مددگار ثابت ہوتا ہے۔
انہوں نے مزید کہا کہ ان کا مقصد محض فارمولے یاد کرنا نہیں بلکہ بہترین حل تلاش کرنا ہے۔
اس سے قبل یہ ریکارڈ قیشیان کاؤ کے پاس تھا۔ انہوں نے محض تین سال کی عمر میں کیوب حل کرنا شروع کیا تھا اور 2023 میں چھ سال کی عمر میں 5.97 سیکنڈ میں ریکارڈ بنایا تھا۔
