(9 اکتوبر 2026): چلتی ٹرین سے کودنا جان کو خطرے میں ڈالنے کے مترادف ہے لیکن ایک تیز رفتار ٹرین سے مسافروں کی بڑی تعداد نے چھلانگ لگا دی۔
ٹرانسپورٹ کوئی بھی ہو، چلتی ٹرانسپورٹ سے کودنا خطرناک ہوتا ہے اور اگر بات ہو تیز رفتار ٹرین کی تو اس سے کودنا تو موت کے کنویں میں چھلانگ لگانے کے مترادف ہوتا ہے۔
تاہم ایک ویڈیو تیزی سے وائرل ہو رہی ہے، جس میں مسافر چھلانگیں لگا کر ٹرین سے باہر آ رہے ہیں۔
بھارتی میڈیا کے مطابق یہ ویڈیو ریاست اتر پردیش بارہ بنکی کی ہے، جہاں دوپہر کے وقت ٹرین میں ٹکٹ چیکر کی پولیس کے ہمراہ آمد کے بعد بھگدڑ مچ گئی اور بغیر ٹکٹ سفر کرنے والے مسافر گرفتاری اور جرمانے کے خوف سے ریل سے باہر کودنے لگے۔
رپورٹ کے مطابق ایودھیا سے لکھنو جانے والی ٹرین جیسے ہی رسولی اسٹیشن پر کچھ دیر رکنے کے بعد وہاں سے روانہ ہوئی تو ٹکٹ چیکنگ ٹیم پولیس کے ہمراہ اس میں سوار ہو گئی اور مسافروں کے ٹکٹ کی چیکنگ شروع کر دی۔
ٹرین میں اس وقت بغیر ٹکٹ سفر کرنے والے مسافروں کی بڑی تعداد بھی موجود تھی، جن میں پولیس کو دیکھ کر بھگدڑ مچ گئی اور انہوں نے خود کو بچانے کے لیے چلتی ٹرین سے چھلانگ لگانا شروع کر دی ان میں خواتین مسافر بھی شامل تھیں۔
టికెట్ లేకుండా రైల్లో ప్రయాణం.. రైల్వే అధికారులను చూసి దూకిన ప్రయాణికులు
🔹 మంగళవారం రసౌలి స్టేషన్లో టికెట్ తనిఖీలు చేపట్టగా టీటీఈలు, రైల్వే అధికారులను చూసిన పలువురు ప్రయాణికులు కదులుతున్న అయోధ్య-లక్నో లోకల్ రైలు నుంచి దూకారు. మరికొందరు టాయిలెట్లలో దాక్కున్నారు.
🔹 తనిఖీల్లో మొత్తం 371 మంది టికెట్ లేని ప్రయాణికులు పట్టుబడ్డారు.
#Ayodhya #Lucknow #Railway #TicketlessTravel
— ముచ్చట్లు | Stories • Voices • Views (@muchatlu_)
اس دوران کچھ مسافروں نے خود کو ٹرین کے واش روم میں بند کر لیا لیکن ٹیم نے اندر چھپے لوگوں کو باہر نکال کر ان سے جرمانے وصول کیے۔
ریلوے حکام کے مطابق مختلف ٹرینوں میں خصوصی ٹکٹ چیکنگ مہم چلائی گئی۔ تقریباً 5 سے 6 ٹرینوں میں کارروائی کے دوران مجموعی طور پر 371 ٹکٹ کے بغیر سفر کرنے والے مسافروں کو پکڑا اور ان سے لاکھوں روپے جرمانہ وصول کیا۔
