شکار پور( مانیٹرنگ ڈیسک) سندھ کے لوک فنکار جگر جلال چانڈیو کو4 ساتھیوں سمیت اغواء کرلیا گیا ۔ جگر جلال نے چند ماہ قبل احمد رشدی کا مشہور گانا ’’ کوکو کورینا‘‘گا کر ملک گیر شہرت حاصل کی تھی۔ پولیس کے مطابق جگر جلال کو شادی کی تقریب میں شرکت کے لئے لاڑکانہ سے شکار پور جاتے ہوئے اغواء کیا گیا۔ شکار پور پولیس کا کہنا ہے کہ جگر جلال کے ساتھ ان کے بھائی‘ بھتیجے اور دو شاگردوں کو بھی اغواء کیا گیا ہے جبکہ ان کی گاڑی تیغو کے علاقے سے مل گئی ہے۔
