نوشہرہ(صباح نیوز)وزیر دفاع پرویز خٹک نے کہا ہے کہ اپوزیشن کا شو فلاپ ہوچکاہے۔عوام اپوزیشن جماعتوں کو مسترد کرچکے ہیں۔عوام نے ملک کی ترقی اور ریاست مدینہ کے نظام کے لیے عمران خان کو ووٹ دیا۔ ان خیالات کا اظہار انہوں نے نوشہرہ میں مختلف شمولیتی جلسوں اور کارنر مٹنگ اور نوشہرہ کلاں میں قاضی فہیم الحق کے گھر آمد کے موقع پرکیا۔ انہوں نے کہا کہ تحریک انصاف مضبوط قوت بن چکی ہے، ملک بھر کے عوام نے ملک کی بہتر معیشت اور اپنی آنے والی نسلوں کے روشن مستقبل کی خاطر کرپٹ سیاسی ٹولے کو مسترد کرتے ہوئے ان کی ناکام سیاست کو ہمیشہ ہمیشہ کے لیے دفن کر دیا۔
Load/Hide Comments
انڈیا
جموں و کشمیر
