انجلینا جولی کا سیلاب متاثرین سے اظہار یکجہتی

ہالی ووڈ اداکارہ انجلینا جولی کا پاکستان کے سیلاب متاثرین سے اظہار یکجہتی کے لیے پاکستان کا دورہ کررہی ہیں۔ انجلینا جولی نے پاکستان میں سیلاب کی تباہ کاریوں پر دنیا کی توجہ مرکوز کرانے کا عزم ظاہر کیا۔ این ایف آر سی سی کے دورہ کے موقع پر انکا کہنا تھا کہ پاکستان میں سیلاب سے ہونے والی تباہی کا دنیا کو علم نہیں۔ مصیب کی اس گھڑی میں پاکستانی عوام کے ساتھ ہوں۔
‎سیلاب متاثرین سے اظہار یکجہتی کے لیے پاکستان آنے والی انجلینا جولی نے نیشنل فلڈ رسپانس کوآرڈینیشن سینٹر کا دورہ کیا ۔ اس موقع پر ان کا کہنا تھا کہ مشکلات میں گھری عوام کی مدد میں دن رات مصروف پاک فوج داد کی مستحق ہے۔ کوئی بھی امدادی سرگرمی دیکھی تو دیکھا وہ پاک فوج کر رہی ہے۔ہر جگہ پاک فوج کو عوام کی مدد کرتے، زندگیاں بچاتے دیکھا۔
‎انجلینا جولی کا کہناتھا جن زندگیوں کو بچایا گیا، ان سے بات کی مگر وہ ابھی محفوظ نہیں۔ جو تباہی ہوئی ہے، دنیا کو اس کا اندازہ ہی نہیں۔ آنے والے ہفتوں میں بھرپور مدد نہ پہنچی تو بچنے والے بھی نہیں بچیں گے۔ زندگی و موت کی کشمکش میں مبتلا ان انسانوں میں بے شمار بچے ہیں۔
‎انجلینا جولی نے مزید کہا کہ متاثرین کو خوراک، شیلٹر، طبی سہولیات کی ہنگامی ضرورت ہے۔ اداکارہ نے عالمی برادری سے پاکستانی سیلاب متاثرین کی مدد کے لیے ڈو مور کا مطالبہ کرتے ہوئے کہا پاکستان بہت سارے لوگوں کی زندگی و موت کا مسئلہ ہے اور دنیا کو اس پر جاگنا چاہیے۔ کلائمنٹ چینج کے کم ذمہ دار ممالک کو تباہی اور اموات کا دوسروں کی نسبت زیادہ سامنا ہے۔انجلینا جولی نے بار بار متاثرین کی مدد کے لیے پاکستان آنے کا عزم بھی ظاہر کیا۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں