حقیقی آزادی مارچ کے آخری مرحلے میں 26 نومبر کو پنجاب بھر سے قافلے راولپنڈی پہنچیں گے۔ قصور سے آج حقیقی آزادی مارچ قافلہ دن 2:30 بجے روانہ ہو گا اور چکری انٹرچینج سے ہوتا ہوا رات 10 بجے راولپنڈی پہنچے گا۔ ساہیوال سے قافلہ آج رات 9 بجے روانہ ہو گا اور ہفتے کو صبح 7 بجے راولپنڈی پہنچے گا۔
پاک پتن سے حقیقی آزادی مارچ قافلہ آج رات 8 بجے روانہ ہو گا اور ہفتہ صبح 6 بجے اپنی منزل راولپنڈی پہنچ جائے گا۔ اوکاڑہ سے قافلہ آج رات 7بجے روانہ ہو گا اور براستہ چکری انٹرچینج کل صبح 5 بجے راولپنڈی داخل ہو جائے گا۔ لاہور سے صوبائی وزیر ڈاکٹر یاسمین راشد کی قیادت میں قافلہ ہفتہ صبح 6 بجے روانہ ہو گا اور دوپہر 1 بجے راولپنڈی پہنچے گا۔ شاہ پور سے حقیقی آزادی مارچ قافلہ ہفتہ صبح 7 بجے روانہ ہو کر براستہ موٹروے دوپہر 1 بجے راولپنڈی پہنچ جائے گا۔
ننکانہ صاحب سے قافلہ کل صبح 7 بجے راولپنڈی کے لئے روانہ ہو گا اور 1 بجے پہنچ جائے گا۔حسن ابدال سے قافلہ کل صبح 7 بجے روانہ ہو کر دن 1 بجے راولپنڈی پہنچے گا۔منڈی بہاوالدین سے حقیقی آزادی مارچ قافلہ کل صبح 8 بجے روانہ ہو کر 1 بجے راولپنڈی پہنچے گا۔
گوجرانوالہ،گجرات،سیالکوٹ اور نارووال سے قافلے جنرل سیکرٹری سینٹرل پنجاب حماد اظہر کی زیر قیادت مرکزی قافلے میں شامل ہو کر دن 1 بجے راولپنڈی پہنچ جائیں گے۔
