دور� جنوبی ا�ریقا کیلیے قومی اسکواڈ کا اعلان ، شا�ین ڈراپ ، �خر نظر انداز
اسلام آباد(اسپورٹس ڈیسک)دورہ جنوبی افریقا کیلئے پاکستان کرکٹ ٹیم کا اعلان کر دیاگیا،محمد عباس کی ٹیسٹ ٹیم میں واپسی ہوئی ہے، شاہین شاہ آفریدی کو ڈراپ کیا گیا جبکہ فخر زمان کو ایک بار پھر نظر انداز کیا گیا ۔پی سی بی کی جانب سے جاری کردہ اعلامیے میں بتایا گیا ہے کہ وائٹ بال ٹیم میں سابق کپتان بابراعظم کی واپسی ہوئی ہے جبکہ ان کے علاوہ محمد رضوان، صائم ایوب اور سلمان علی آغا بھی تینوں فارمیٹس میں قومی ٹیم کی نمائندگی کریں گے۔نسیم شاہ ٹیسٹ اور ون ڈے کیلیے اسکواڈ کا حصہ ہیں، ادھر شاہین شاہ آفریدی کو پھر ٹیسٹ اسکواڈ سے ڈراپ کردیا گیا ہے۔اس دورے میں تین ٹی ٹوئنٹی، تین ون ڈے انٹرنیشنل اور دو ٹیسٹ شامل ہیں۔ سیریز کا آغاز 10 دسمبر کو ڈربن میں پہلے ٹی ٹوئنٹی میچ سے ہوگا۔ پہلا ون ڈے کرکٹ میچ 17 دسمبر کو پارل میں کھیلا جائے گا۔ ٹیسٹ میچز بالترتیب 26 دسمبر اور 3 جنوری 2025سے بالترتیب سنچورین اور کیپ ٹائون میں شروع ہوں گے۔بابر اعظم کو محمد رضوان، صائم ایوب اور سلمان علی آغا کے ساتھ تینوں اسکواڈز میں شامل کیا گیا ہے جبکہ نسیم شاہ کو ٹیسٹ اور ون ڈے کے لیے منتخب کیا گیا ہے۔ شاہین شاہ آفریدی کو ان کے ورک لوڈ منیجمنٹ کے طور پر وائٹ بال کے میچوں کے لیے منتخب کیا گیا ہے تاکہ اس بات کو یقینی بنایا جاسکے کہ وہ آئی سی سی چیمپئنز ٹرافی 2025 کے لیے اپنی بہترین فٹنس اور فارم میں ہوں۔ ٹیسٹ ٹیم میں واپسی کرنے والے فاسٹ بولر محمد عباس ہیں جو آخری بار اگست 2021 میں جمیکا میں کھیلے تھے۔ عباس نے 25 ٹیسٹ میں 90 وکٹیں حاصل کی ہیں اور موجودہ قائد اعظم ٹرافی کے پانچ میچوں میں 31 وکٹیں حاصل کی ہیں۔ انگلینڈ کے خلاف آخری دو ٹیسٹ نہ کھیلنے کے بعد نسیم شاہ کو بھی چار رکنی پیس اٹیک میں شامل کیا گیا ہے۔ نومبر 2019 میں ڈیبیو کرنے کے بعد سے اب تک 19 ٹیسٹ کھیلنے والے 21 سالہ نسیم شاہ نے ایبٹ آباد میں جاری قائداعظم ٹرافی میچ میں پشاور کے خلاف لاہور وائٹس کے لیے اب تک چار وکٹیں حاصل کی ہیں۔گزشتہ ماہ سری لنکا اے کے خلاف پاکستان شاہینز کی جانب سے 15 وکٹیں لینے کے بعد فاسٹ بائولر خرم شہزاد کو بھی ٹیسٹ ٹیم میں شامل کیا گیا ہے۔ میر حمزہ 15 رکنی ٹیسٹ اسکواڈ میں شامل چوتھے فاسٹ بولر ہیں اور اس وقت ایبٹ آباد میں لاہور وائٹس کے خلاف پشاور کی جانب سے کھیل رہے ہیں۔ انگلینڈ کے خلاف ٹیسٹ سیریز میں 19 وکٹیں لینے والے آف اسپنر ساجد خان ٹیم کا حصہ نہیں ہیں۔
