دمشق: شام کے صدر احمد الشرع شمالی شہر ادلب میں اپنی اہلیہ لطیفہ الدروبی کی گریجویشن تقریب میں شریک ہوئے۔
صدارتی دفتر کے مطابق خاتونِ اول لطیفہ الدروبی نے 2025 کے بیچ “النصر والتحریر” کے تحت جامعہ ادلب کی فیکلٹی آف آرٹس اینڈ ہیومینٹیز سے ڈگری مکمل کی۔
تقریب میں فارغ التحصیل طلبہ کو اسناد دی گئیں جس میں صدر احمد الشرع بھی موجود تھے۔ یاد رہے کہ لطیفہ الدروبی کا تعلق حمص شہر سے ہے اور اقتدار کی تبدیلی کے بعد رواں برس فروری میں پہلی بار انہیں صدر کے ہمراہ ترکی اور سعودی عرب کے دوروں میں دیکھا گیا تھا۔
