پشاور: خیبرپختونخوا کے معاون خصوصی برائے اطلاعات شفیع اللہ جان نے عظمیٰ بخاری پر سخت تنقیدی بیان دیا ہے، جس میں کہا گیا کہ وہ سیاسی خانہ بدوش ہیں اور پختونوں کے بارے میں جنگلی جیسے القابات استعمال کرتی ہیں۔
شفیع اللہ جان نے طنز کرتے ہوئے کہا کہ اگر انہیں معلوم ہوتا کہ عظمیٰ بخاری کو جنگلی پسند ہیں تو وہ ان کے لیے تین چار جنگلی لوگوں کا بندوبست کر دیتے۔
شفیع اللہ جان نے اپنی گفتگو میں حال ہی میں پنجاب کے دورے کا بھی ذکرتے ہوئے کہا کہ اس دورے کے دوران انہیں مختلف حکومتی اور سیاسی حلقوں سے ملاقاتیں کرنے کا موقع ملا تاہم صوبے میں ان کے استقبال میں رکاوٹیں کھڑی کی گئی اور کئی مارکیٹیں بند کر دی گئیں تاکہ عوام کی آمد و رفت محدود ہو۔
انہوں نے کہا کہ اس کے باوجود وہ عوام اور حکومتی نمائندوں سے ملاقاتیں کر سکے اور صوبائی انتظامات، مہمان نوازی اور مسائل پر تبادلہ خیال کیا گیا۔
