ایران نے عارضی طور پر بند کی گئی اپنی فضائی حدود دوبارہ کھول دی ہیں۔
امریکی اور ایرانی کشیدگی کے پیش نظر ایران نے کچھ وقت کے لیے ہر قسم کی پروازوں کے لیے فضائی حدود بند کر دی تھی، تاہم اس دوران مخصوص اجازت کے ساتھ صرف بین الاقوامی پروازوں کو فضائی راستہ استعمال کرنے کی اجازت دی گئی تھی۔
غیر ملکی میڈیا رپورٹس کے مطابق ایران نے تقریباً پانچ گھنٹے تک فضائی حدود بند رکھنے کے بعد فضائی ٹریفک بحال کر دی ہے۔ فضائی حدود کی بندش کے باعث متعدد پروازوں کا شیڈول متاثر ہوا اور فلائٹ آپریشن میں رکاوٹیں پیدا ہوئیں۔
ادھر جرمن ایئرلائن نے اسرائیل کے لیے رات کے وقت پروازیں معطل کرنے کا اعلان کیا ہے، جو 19 جنوری تک بند رہیں گی۔ دوسری جانب امریکا پہلے ہی اپنی کمرشل پروازوں کو ایرانی فضائی حدود کے استعمال سے روک چکا ہے۔
