ویلنگٹن: نیوزی لینڈمیں لینڈ سلائیڈنگ کے باعث متعدد ہلاکتیں اور کئی افراد کے لاپتا ہونے کی اطلاعات ہیں۔
عالمی میڈیا کے مطابق نیوزی لینڈ میں لینڈ سلائیڈنگ کی وجہ سے 6 افراد ہلاک جبکہ 10 سے زاید افراد لاپتا بھی ہوگئے ہیں۔ رپورٹ کے مطابق حادثہ ایک معروف سیاحتی مقام پر پیش آیا جہاں مٹی کا تودہ کیمپ سائٹ کے اوپر آ گرا۔ حکام کا کہنا ہے کہ حادثے کے وقت کیمپ سائٹ پرکئی خاندان چھٹیاں گزار رہے تھے ۔ اچانک پیش آنے والے واقعے کے باعث کیمپ میں موجود افراد میں خوف و ہراس پھیل گیا جبکہ متعدد ملبے تلے دب گئے۔ ریسکیو حکام کا کہنا ہے کہ ہنگامی ٹیمیں ملبے میں دبے لاپتا افراد کی تلاش میں مصروف ہیں۔ حکام کی تصدیق کے مطابق کہ 6 افراد کے ملبے تلے دب جانے کی تصدیق ہوئی ہے جبکہ دیگر افراد سے تا حال رابطہ نہیں ہو سکا۔
