ہاتھیوں سے بچ کر دریا میں کودنے والا مگر مچھ سے بھی نہ بچ سکا

لوساکا : افریقا میں ایک شکاری ہاتھیوں بچ کر اپنی جان بچانے کے لیے دریا میں چھلانگ لگادی مگر وہاں بھی اپنے آپ کو مگر مچھ کے حملے سے بھی نہ بچا سکا۔
عالمی میڈیا کے مطابق افریقی ملک زیمبیا میں ایک شکاری خوف کے مارے ہاتھیوں کے جھنڈ سے بچ کر دریا میں چھلانگ لگادی مگر وہاں بھی مگر مچھ کے ہاتھوں اپنی جان سے ہاتھ دھو بیٹھا۔
حکام کے مطابق 52 سالہ دین نیرندا اپنے 2 دوستوں کے ساتھ شکار سے واپس آ رہا تھا کہ اچانک ان کا سامنا جنگلی ہاتھیوں سے ہو گیا۔ ہاتھیوں سے جان بچانے کے لیے تینوں دوست خود کو محفوظ کرنے کے لیے بھاگتے رہے، اسی دوران نیرندا نے دریائے لوانگوا کے قریب ایک برساتی نالے میں چھلانگ لگا دی۔ اس حوالے سے مقامی پولیس چیف روبرٹسن مویمبا نے بتایا کہ جیسے ہی اس شخص نے چھلانگ لگائی، اسی لمحے ایک مگرمچھ نے اس پر حملہ کر دیا اور اس کی دائیں ران چبا ڈالی۔ نیرندا نے ہمت دکھا کر مگرمچھ کو لاٹھی سے مار کر پیچھے ہٹا دیا اور خود کو پانی سے باہر نکالنے میں کامیاب ہو گیا۔ اس موقع پر اس کا خون تیزی سے بہ رہا تھا، خون روکنے کی کوشش بھی کی لیکن بد قسمتی سے وہ جانبر نہ ہو سکا۔