ملک کے زیادہ تر علاقوں میں آج بھی موسم گرم اور خشک رہنے کا امکان ہے، جبکہ جنوبی علاقوں میں شدید گرمی برقرار رہے گی۔
محکمہ موسمیات کے مطابق پنجاب کے چند علاقوں، بالائی خیبر پختونخوا، گلگت بلتستان اور کشمیر میں کہیں کہیں بارش متوقع ہے۔
اتوار کے روز سب سے زیادہ درجہ حرارت جیکب آباد اور شہید بینظیر آباد میں 46 ڈگری سینٹی گریڈ ریکارڈ کیا گیا۔
اس کے علاوہ لسبیلہ، تربت، دادو، پڈعیدن، موہنجو دڑو اور حیدرآباد میں درجہ حرارت 45 ڈگری سینٹی گریڈ رہا۔
دیگر شہروں میں ڈیرہ غازی خان، ملتان اور بہاولپور میں 40 ڈگری، کراچی میں 38، لاہور میں 37، اسلام آباد، کوئٹہ اور مظفر آباد میں 34، پشاور میں 33 جبکہ گلگت میں 24 ڈگری سینٹی گریڈ ریکارڈ کیا گیا۔
