لندن: برطانیہ میں گرمی کے ستائے شہریوں کو پانی کی فراہمی میں کمی سے دہری پریشانی کا سامنا کرنا پڑ رہا ہے۔
لندن: برطانیہ میں ریکارڈ توڑ گرمی اور خشک موسم کے باعث ملک کے کچھ حصے پانی کا بحران پیدا ہوگیاہے۔
برطانیہ میں ریکارڈ توڑ گرمی کی لہر کے دوران ملک کے جنوب مشرق میں ہزاروں گھرانوں کو پانی دستیاب نہ ہو سکا یا کم پریشر کا سامنا کرنا پڑا، کیونکہ برطانیہ کے پرانے انفرااسٹرکچر میں انتظامات کی کمی کی وجہ سے پانی کی ترسیل متاثر ہوئی ہے۔اس خلل سے 20,000 سے زیادہ افراد متاثر ہوئے ہیں بشمول ساحلی قصبے وائٹ سٹیبل میں تقریباً 8,000 افراد سپلائی سے محروم ہیں۔
ساؤتھ ایسٹ واٹر کے مینیجر میتھیو ڈین نے کہا کہ لوگ ایمرجنسی پانی کی فراہمی کو محفوظ بنانے کے لیے قطار میں کھڑے تھے۔
ماحولیاتی ایجنسی کے مطابق، برطانیہ، یورپ کے بیشتر حصوں کی طرح گزشتہ ہفتے ہیٹ ویو کی زد میں آیا ہے جس سے پانی کی طلب میں اضافہ ہوا ہے، جب کہ مارچ اور اپریل میں اوسط سے کم بارش کی سطح نے کچھ آبی ذخائر کو متاثر کیا ہے۔
پرائیویٹائزڈ واٹر کمپنیوں کی جانب سے نیٹ ورکس میں سرمایہ کاری کی کمی پر حالیہ برسوں میں تناؤ پیدا ہوا ہے اور وائٹ سٹیبل میں، اسکول کی چھٹی کے ساتھ، سال کے مصروف ترین ہفتوں میں سے ایک کے دوران بہت سے کاروبار بند ہونے پر مجبور ہوئے۔
