زندگی میں کبھی ساتھ کام کرنے کی پیشکش ہوئی تو ضرور کروں گی
ایسے شخص سے شادی نہیں کرونگی جو میرے اسٹار ڈم سے متاثر ہو
کراچی (نیٹ نیوز) اداکارہ مہوش حیات نے ہالی ووڈ اداکار ٹام کروز کو اپنا پہلا پیار قرار دے دیا۔ ٹی وی انٹرویو کے دوران مہوش حیات نے انکشاف کیا ہے کہ وہ نہ صرف ٹام کروز کی مداح ہیں بلکہ وہ ان کا پہلا پیار بھی ہیں۔ ان کو زندگی میں کبھی ان کے ساتھ کام کرنے کی پیشکش ہوئی تو وہ فوراً اس پیشکش کو قبول کریں گی۔ شادی کے سوال پر انہوں نے کہاکہ وہ ایسے شخص سے شادی کرنے کی خواہش مند نہیں ہیں جو ان سے ان کے اسٹارڈم کی وجہ سے شادی کرنا چاہے، بلکہ ایسے شخص کو جیون ساتھی بنانا پسند کروں گی جس کو میری ذات سے پیار ہو اور جو پیسے کا لالچی نہ ہو۔ انہوں نے بتایا کہ پیسہ کبھی بھی ان کی کمزوری نہیں رہا اور نہ ہی وہ اسے اپنی زندگی میں فوقیت دیتی ہیں۔