اپوزیشن لیڈر شہبازشریف نے کہاہے کہ میں درخواست کرتا ہوں کہ وزیر اعظم ایوان میں آکر دورہ امریکہ اور اقوام متحدہ کی جنرل اسمبلی سے خطاب کے حوالے سے ایوان کو آگاہ کریں ۔
تفصیلات کے مطابق قومی اسمبلی میں اظہار خیال کرتے ہوئے اپوزیشن لیڈر شہباز شریف نے کہا کہ میں امید کررہا تھا کہ وزیر اعظم عمران خان دورہ امریکہ کے بعد ایوان میں آئیں گے اور ایوان میں آکر اظہار خیال کریں گے لیکن وہ ایوان میں نہیں آئے ۔
شہباز شریف کا کہنا تھا کہ وزیر اعظم نے دورہ امریکہ کے دوران ٹرمپ اور زعماءسے ملاقاتیں کی ہیں اور اقوام متحدہ کی جنرل اسمبلی سے خطاب کیا ہے ۔ انہوں نے کہا کہ میں درخواست کرتا ہوں کہ وزیر اعظم ایوان میں آئیں اورہمیں اس بات سے آگاہ کریں کہ دورہ امریکہ کے دوران ٹرمپ اوردیگر زعما ءسے ان کی کشمیر اور دیگرمعاملات پر کیاباتیں ہوئیں ہیں؟