مودی کی پالیسیوں نے بھارتی معیشت کو تباہ کردیا ٗ بینک ڈیفالٹر ہونے سے عوام کے کھربوں روپے ڈوب گئے
بھارت بھر میں بینکوں کے باہر صارفین کا احتجاج ٗ متعد افراد کے زخمی ہونے کی اطلاعات بھی مل رہی ہیں
نئی دہلی( نیٹ نیوز/ مانیٹرنگ ڈیسک) مودی حکومت کی کشمیر دشمن پالیسیوں نے بھارت کی معیشت کو بھی برباد کردیا۔ بھارت شدید ترین معاشی بحران کا شکار ہوگیا معاشی بحران کے باعث بھارت کو16 نیشنلائز ڈ بینک ڈیفالٹر ہوگئے اور عوام کے کھربوں روپے ڈوب گئے‘ جبکہ 9بینک مستقل طور پر بند ہوگئے ہیں جن میں بھارتی عوام کا اربوں روپیہ رکھا ہوا تھا۔ ایک ہفتہ قبل پنجاب بینک سمیت مختلف بینکوں نے اپنے صارفین پر ایک ہزار روپے سے زائد رقم نکالنے پر پابندی لگادی تھی نئی صورتحال کے باعث بینکوں کے باہر عوام مستقل احتجاج کررہے ہیں اور اپنی رقوم کی واپسی کیلئے مطالبہ کررہے ہیں لیکن بینکوں کی انتظامیہ کی جانب سے انہیں کوئی تسلی بخش جواب نہیں دیا جارہا ہے بھارتیوں کا کہنا ہے کہ مودی حکومت کو مظلوم کشمیریوں کی بد دعائیں لگی ہیں اور اس کا خاتمہ قریب ہے۔ گزشتہ روز بھی بینکوں کے ساتھ سامنے آنے والے نا خوشگوار واقعات میں کئی افراد کے زخمی ہونے کی اطلاعات ملیں گئیں۔