سڑک بند کرکے روکنے کی کوشش کی گئی تو وہ کشتیوں کے ذریعے دریائے سندھ عبور کرکے اسلام آباد کی طرف جائینگے
جے یو آئی کے کارکنوں نے سرگرمیاں تیز کردیں زیادہ سے زیادہ کشتیاں حاصل کررہے ہیں ٗ رپورٹ
کراچی (مانیٹرنگ ڈیسک) جمعیت علماء اسلام (ف) کی جانب سے حکومت مخالف آزادی مارچ کو کامیاب بنانے کے لیے کارکنان کی جانب سے بھرپور انداز میں تیاریاں جاری ہیں اور چاروں صوبوں سمیت آزاد کشمیر اور گلگت بلتستان میں کارکنان جوش و خروش سے تیاریاں جاری رکھے ہوئے ہیں۔ جے یو آئی کے کارکنان نے حکومت کی جانب سے ممکنہ طور پر آزادی مارچ کے قافلوں کو روکنے کے لیے سڑکیں بند کرنے کی صورت میں متبادل حکمت عملی تیار کرلی ہے اور انوکھے انوکھے طریقے اپنائے جارہے ہیں، جے یو آئی کے کارکنان کی جانب سے دو دنوں سے دریائے سندھ میں کشتیوں کے ذریعے ریہرسل کی جارہی ہے تاکہ اگر سڑک بند کرکے انہیں روکنے کی کوشش کی جائے تو وہ کشتیوں کے ذریعے دریائے سندھ کو عبور کرکے اسلام آباد کی جانب مارچ جاری رکھیں اس ضمن میں جے یو آئی کے کارکنان زیادہ سے زیادہ کشتیاں حاصل کر رہے ہیں تاکہ ہنگامی صورتحال میں کارکنوں کی بڑی تعداد کشتیوں کے ذریعے اسلام آباد کی طرف جاسکے۔