کوئٹہ میں ڈبل روڈ پر نادرا آفس کے قریب زور دار دھماکے کے نتیجے میں متعدد افراد زخمی ہوگئے۔
ابتدائی اطلاعات کے مطابق شہر کے مصروف علاقے ڈبل روڈ پر نادرا آفس کے باہر پولیس وین کے قریب زوردار دھماکا ہوا، دھماکے کے بعد ایک گاڑی میں آگ بھڑک اٹھی اور دور سے سیاہ بادل فضا میں بلند ہوتے دیکھائی دے رہے ہیں۔
واقعے کی اطلاع ملنے پر پولیس اور تفیتشی اداروں کے اہلکار موقع پر پہنچ گئے ہیں جب کہ ریسکیو ٹیمیں بھی جائے دھماکا پر پہنچ چکی ہیں جو امدادی کارروائیوں میں مصروف ہیں۔
ریسکیو اہلکاروں کا کہنا ہے کہ جائے دھماکا سے 3 زخمیوں کو سول اسپتال منتقل کیا گیا ہے۔