کراچی (اسٹاف رپورٹر) پاکستان تحریک انصاف کی خواتین کی جانب سے پریس کلب کے باہر سابق صوبائی صدر وومن ونگ شاہین شیخ کی قیادت میں وزیراعظم عمران خان سے اظہار یکجہتی کے لیے مظاہرہ کیا گیا۔ اس موقع پر خواتین اور کارکنان کی بڑی تعداد نے احتجاج میں شرکت کی۔ مظاہرین سے خطاب کرتے ہوئے شاہین شیخ نے کہاکہ پاکستان تحریک انصاف پرعزم ہے وزیراعظم کے ہر اقدام پر ان کے ساتھ ہیں، مولانا فضل الرحمن آزادی مارچ سے حکومت کو بلیک میل کرنے کی سازش کر رہے ہیں۔