کراچی (اسٹاف رپورٹر) سندھ بھر میں انسداد پولیو مہم 16 دسمبر سے شروع ہوگی جس میں 90 لاکھ بچوں کو پولیو سے بچائو کے قطرے پلائے جائیں گے۔ وزیر صحت عذرا پیچوہو کی زیر صدارت اجلاس میں مہم کے انتظامات کا جائزہ لیا گیا جس میں تمام ڈسٹرکٹ ہیلتھ افسران اور ڈپٹی کمشنرز نے شرکت کی۔ کراچی میں 23 لاکھ بچوں کو قطرے پلانے کا ہدف مقرر کیا گیا ہے۔ سندھ میں رواں سال پولیو کے 14 کیسز سامنے آئے ہیں جس میں سے متاثرہ 6 بچوں کا تعلق کراچی سے ہے۔