لندن(صباح نیوز)مسلم لیگ (ن)کے صدر میاں شہباز شریف نے کہا ہے کہ سابق صدر جنرل(ر) پرویز مشرف کے خلاف دیے جانے والے عدالتی فیصلے کو پڑھا نہیں ہے اس لیے اس پر کوئی رائے نہیں دے سکتا ہوں،میاں شہباز شریف سے جب ذرائع ابلاغ نے استفسار کیا کہ کیا سابق وزیراعظم میاں نواز شریف کو عدالتی فیصلے کی بابت بتایا گیا ہے؟ تو انہوں نے یہ کہہ کر سوال ٹال دیا کہ ان کے ٹیسٹ تھے اس لیے وقت نہیں ملا،ن لیگ کے قائد کو دل کے ٹیسٹ کے لیے اسپتال لائے ہیں۔ انہوں نے بتایا کہ پیر کو نواز شریف کو دوبارہ اسپتال لایا جائے گا جہاں ان کا ٹیسٹ ہوگا۔میاں شہباز شریف نے جائداد ضبطی کے سوال پر کہا کہ یہ نیب نیازی گٹھ جوڑ کا نتیجہ ہے، اگر میرے خلاف آدھے دھیلے کی بھی کرپشن ثابت ہوتی تو نیب میں پیش کرتے۔
