نیویارک (انٹرنیشنل ڈیسک) اقوام متحدہ کی جنرل اسمبلی نے شمالی کوریا سے مطالبہ کیا ہے کہ وہ غیر ملکی شہریوں کے اغوا کا مسئلہ حل کرے۔ خبررساں اداروں کے مطابق اس سلسلے میں جنرل اسمبلی نے ایک قرارداد منظور کی، جس کی حمایت میں 60سے زائد ممالک نے فیصلہ سنایا۔ قرارداد میں پیانگ یانگ سے مطالبہ کیا گیا کہ ملک میں تشدد کرنے اور کیمپوں میں نظر بند رکھنے کے ساتھ انسانی حقوق کی سنگین خلاف ورزیاں بند کی جائیں۔