لاہور(مانیٹرنگ ڈیسک ) سینئر قانون دان بیرسٹراکرم شیخ نے جسٹس وقار سیٹھ کو ہراساں کرنے پراقوام متحدہ جانے کا اعلان کردیا۔ انہوں نے کہا کہ کسی فیصلے کی بنیاد پرکسی جج کیخلاف ریفرنس دائر نہیں ہوسکتا، پہلے شوکت صدیقی، قاضی فائز عیسیٰ اوراب جسٹس وقار سیٹھ کو ہراساں کیا جارہا ہے، ان کو کوئی پوچھنے والا نہیں؟ میں خود معاملے کواقوام متحدہ میں لے کرجاؤں گا۔انہوں نے میڈیا سے گفتگو کرتے ہوئے کہا کہ میں اس ایشو کو اقوام متحدہ میں لے کرجاؤں گا کہ یہ ججز کو ہراساں کررہے ہیں۔ انہوں نے پہلے شوکت صدیقی کو ہراساں کیا، قاضی فائز عیسیٰ کو ہراساں کیا، اب جسٹس وقار احمد سیٹھ کو ہراساں کررہے ہیں۔ان کو کوئی پوچھنے والا نہیں ہے؟ بیرسٹراکرم شیخ نے کہا کہ میں اقوام متحدہ کے سیکرٹری جنرل کے سامنے معاملے کو لے کرجاؤں گا۔انہوں نے کہا کہ پرویز مشرف کیخلاف 6 سال بعد فیصلہ ہوا ہے، کم ازکم فیصلہ ہوتوگیا ہے۔ انہوں نے کہا کہ کسی فیصلے کو بنیاد بنا کرکسی جج کے خلاف ریفرنس دائر نہیں کیا جاسکتا۔
بیرسٹر اکرم شیخ