ٹنڈو آدم (نمائندہ جسارت) دسمبر کے اوائل میں رہزنی کے دوران دس لاکھ روپے چھیننے کی واردات کے جرم میں سٹی پولیس کی کارروائی، ایک ملزم گرفتار، چھیننے گئے ڈھائی لاکھ روپے، پستول اور موٹر سائیکل برآمد کرنے کا دعویٰ۔ ٹنڈو آدم لطیف گیٹ پٹھان مسجد کے قریب دسمبر کے اوائل میں تاجر ضمیر ملک سے دس لاکھ روپے چھیننے کی واردات میں پولیس نے ایک ملزم نثار جلبانی کو کھنڈو روڈ سے گرفتار کرکے ملزم کے قبضے سے ڈھائی لاکھ روپے، پستول اور موٹر سائیکل برآمد کرنے کا دعویٰ کیا ہے۔ اس سلسلے میں ایس ایچ او سٹی حاجی اسلم بلو نے بتایا کہ ملزم ڈسٹرکٹ لاڑکانہ رتو ڈیرو کا رہائشی ہے اور اب شہداد پور میں رہائش پذیر تھا، ملزم پر پہلے بھی مختلف مقدمات درج ہیں۔