نوابشاہ ( رپورٹ کاشف رضا )سربراہ پاک فوج جنرل قمر جاوید باجوہ کی خصوصی طیارے کے ذریعے نوابشاہ آمد جہاں سے بذریعہ ہیلی کاپٹر سیہون شریف روانہ ہو گئے ،درگاہ سخی لعل شہباز قلندر پر حاضری دی اور پھولوں کی چادر چڑھائی اور ملکی استحکام اور پاک افواج کی سلامتی کے لیے خصوصی دعا کی ،آرمی چیف کی درگاہ آمد کے موقع پر سیکورٹی کے غیر معمولی انتظامات کیے گئے تھے درگاہ آنے اور جانے والے راستوں پر سخت چیکنگ اور حفاظتی انتظامات کیے گئے تھے، جبکہ اس موقع پر ڈی جی آئی ایس پی آر میجر جنرل آصف غفور بھی آرمی چیف کے ساتھ تھے۔