لاہور (کلچرل ڈیسک) کامیڈی کنگ امان اللہ خان کو اچانک طبیعت خراب ہونے کے باعث اسپتال منتقل کر دیا گیا۔ تفصیلات کے مطابق گزشتہ روز امان اللہ خان کی طبیعت ایک بار پھر خراب ہوگئی جس پر انہیں اسپتال منتقل کر دیا گیا۔ نمونیا اور دمہ کے اٹیک کے باعث اسپتال کے انتہائی نگہداشت وارڈ میں داخل کیا گیا ہے، فنکار کی صحت کے حوالے سے ڈاکٹرز کا کہنا ہے کہ امان اللہ کی طبیعت دو روز میں بہتر ہو جائے گی۔ امان اللہ کے اہل خانہ نے مداحوں سے ان کے لیے دعائے صحت کی درخواست کی ہے۔
