امریکی وزیرخارجہ کی عمان کے نئے فرماں روا سے ملاقات

مسقط (انٹرنیشنل ڈیسک) امریکی وزیرخارجہ مائیک پومپیو عمان کے دورے پر پہنچ گئے،جہاں انہوں نے سلطان ہیثم بن طارق سعید سے ملاقات کی۔ عمان پر 50برس سے حکومت کرنے والے سلطان قابوس بن سعید 11جنوری کو انتقال کر گئے تھے،جس کے بعد ہیثم بین طارق کو نیا سلطان منتخب کیا گیا۔ واضح رہے کہ عمان خطے میں ایران اور سعودی عرب کے درمیان کشیدگی میں غیرجانب دار ملک کی حیثیت رکھتا ہے۔ عمانی فرماں روا نے پومپیو پر واضح کیا کہ وہ بھی سلطان قابوس کی خطے میں عدم مداخلت کی پالیسی پر کاربند رہیں گے۔