صدر مملکت ڈاکٹر عارف علوی نے سابق میئر کراچی نعمت اللہ خان کے انتقال پر دکھ اور افسوس کا اظہار کیا ہے۔
تعزیتی پیغام میں صدر مملکت ڈاکٹر عارف علوی نے کہا کہ سابق سٹی ناظم نعمت اللہ خان کے انتقال پر رنجیدہ ہوں اور مرحوم کی مغفرت کے لیے دعا گو ہوں، اللہ رب العزت نعمت اللہ خان کو جنت میں اعلیٰ مقام عطا فرمائے۔
President Dr. @ArifAlvi expresses grief and sorrow over the sad demise of former Mayor Karachi #NaimatUllahKhan and prayed 🤲 may Allah Al-Mighty forgive him and give him high ranks in Janna https://t.co/NYx4qbQtqV pic.twitter.com/d8HzAfCdR5
— Radio Pakistan (@RadioPakistan) February 25, 2020
نعمت اللہ خان ایڈوکیٹ کی نماز جنازہ کل ادا کی جائیگی ترجمان جماعت اسلامی
ترجمان جماعت اسلامی نے معمار کراچی نعمت اللہ خان کی نمازجنازہ کا اعلان کرتے ہوئے بتایا ہے کہ مرحوم کی نماز جنازہ کل بروز بدھ بعد نماز ظہر ایم اے جناح روڈ نزد ادارہ نور حق کراچی میں ادا کی جائے گی۔
ترجمان کا کہنا ہے کہ نعمت اللہ خان کے صاحبزادے اور صاحبزادی بیرون ملک ہیں، ان کی آمد کے بعد تدفین ہو گی، نعمت اللہ خان کا جسد خاکی ڈیفینس میں وقع ان کے بیٹے کی رہائش گا لایا جائے گا جب کہ نعمت اللہ خان کا جسد خاکی تدفین ہونے تک سرد خانے منتقل کیا جائے گا۔
نعمت اللہ خان انتقال کر گئے
سابق سٹی ناظم کراچی وجماعت اسلامی کے رہنما نعمت اللہ خان انتقال کر گئے۔ترجمان جماعت اسلامی کے مطابق نعمت اللہ خان طویل عرصے سے علیل تھے اورکراچی کلفٹن کے نجی اسپتال میں زیر علاج تھے۔ سابق مئیر کراچی کا انتقال 89 سال کی عمر میں ہوا۔
نعمت اللہ خان زمانہ طالب علمی میں اسلامی جمعیت طلبہ سے وابستہ رہے اور بعد ازاں جماعت اسلامی میں شمولیت اختیار کی۔ نعمت اللہ خان جماعت اسلامی کراچی کے امیر رہے لیکن شہری حکومت کے ناظم کا عہدہ سنبھالنے سےقبل ضابطے کی کارروائی کے تحت جماعت اسلامی کی رکنیت سے استعفی دے دیا۔
نعمت اللہ خان شہر قائد کے 26 ویں میئر تھے اور انہوں نے 2001 سے 2005 تک ناظم کراچی کے طور پر خدمات انجام دیں۔نعمت اللہ خان یکم اکتوبر1930ء کو ہندوستان کے علاقے اجمیر شریف میں پیدا ہوئے اور تقسیم ہند کے بعدانھوں نے سن 1948 میں پاکستان ہجرت کی اور کراچی میں آبسے۔نعمت اللہ خان نے پنجاب یونیورسٹی سے جرنلزم میں ماسٹر کیا اور کراچی سے قانون کی ڈگری حاصل کی۔وہ ایک کامیاب وکیل و متحرک فلاحی شخصیت تھے اور کراچی کی خدمت پر انہیں “بابائے کراچی” کے نام سے جانا جاتا تھا۔
سابق سٹی ناظم نعمت اللہ خان نے تھر کے قحط زدہ علاقوں میں سمیت صوبہ سندھ میں واٹر فلٹریشن پلانٹس لگوائے۔