سابق صدر آصف علی زرداری نے خواتین مارچ کی مکمل حمایت کا اعلان کرتے ہوئے کہا ہے کہ مارچ کے شرکاء کو سہولیات اور تحفظ فراہم کیا جائے۔
ایک بیان میں انہوں نے کہا کہ معاشرے میں خواتین کے برابری کے حق کو تسلیم کرنا ہوگا، شہید محترمہ بے نظیر بھٹو نے سفاک اور بے رحم آمریت کو شکست دی، شہید محترمہ بے نظیر بھٹو کا کردار خواتین کے لیے مشعل راہ ہے۔
سابق صدر نے کہا کہ بختاور بھٹو زرداری اورآصفہ بھٹو زرداری خواتین کی آواز اورطاقت ہیں، پیپلزپارٹی خواتین مارچ کی مکمل حمایت کرتی ہے، پیپلز پارٹی خواتین کے حقوق کی ضمانت ہے۔
ان کا کہنا تھا کہ خواتین کو کمزور اور کم ترسمجھنے کی سوچ کو شکست ہوگی،پیپلز پارٹی شہید بھٹو اور شہید بی بی کے فلسفے پر ثابت قدم ہے۔