کراچی: پاکستان ریلوے نے 21 ٹرینوں کے کرایوں میں کمی کا اعلان کردیا۔
تفصیلات کے مطابق 21 مسافر ٹرینوں کے کرایوں میں کمی کا نوٹیفکیشن جاری کردیا گیا ہے تاہم کرایوں میں کمی کا اطلاق صرف بزنس اور اے سی اسٹینڈرز کلاس پر ہوگا۔
کرایوں میں کمی کا اطلاق 9 مارچ سے ایڈوانس بکنگ پر ہوگا،بزنس اور اے سی کلاس کے یک طرفہ ٹکٹ پر 10 فیصد اور دو طرفہ ٹکٹ پر 25 فیصد رعایت ملے گی۔
جن ٹرینوں کے کرائے میں کمی کا اعلان کیا گیا ہے ان میں عوامی ایکسپریس، ملتان ایکسپریس، رحمان بابا،گرین لائن،فیصل آباد ایکسپریس اور کراچی ایکسپریس کے علاوہ دیگر ٹرینیں شامل ہیں۔