سری نگر: مقبوضہ کشمیر میں قابض بھارتی فوج نے مزید 3 کشمیری نوجوانوں کو شہید کردیا۔
کشمیرمیڈیا سروس (کے ایم ایس) کے مطابق مقبوضہ کشمیرمیں قابض بھارتی فوج کی ریاستی دہشتگردی جاری ہے، تازہ کارروائی کے دوران ضلع اسلام آباد کے علاقے رانی پور میں مزید 3 کشمیری نوجوانوں کو شہید کردیا۔
کے ایم ایس کے مطابق نوجوانوں کوسرچ آپریشن کی آڑمیں شہید کیا گیا جبکہ علاقے میں انٹرنیٹ سروس اورموبائل فون سروس کو معطل کردیا گیا اورعلاقے کے تمام خارجی راستوں اور داخلی راستوں کو بھی بند کردیا گیا ہے۔
دوسری جانب مقبوضہ وادی میں ظالمانہ کارروائیوں کے خلاف کشمیریوں کااحتجاج جاری ہے۔