اسلام آباد: وفاقی وزیر سائنس اینڈ ٹیکنالوجی فواد چوہدری کا کہنا ہے کہ علی زیدی نے سنجیدہ سوالات اٹھائے، اب عدلیہ کا فرض ہے کہ عزیر بلوچ جےآئی ٹی کے معاملے کا جائزہ لے۔
وفاقی وزیر فواد چوہدری نے ٹوئٹ کرتے ہوئے کہا کہ پیپلزپارٹی کا عزیر بلوچ اور نثار مورائی سے متعلق مؤقف کمزور ہے۔
انہوں نے کہا کہ وفاقی وزیر علی زیدی نے نہ صرف سنجیدہ سوالات اٹھائے ہیں بلکہ ثبوت کے طور پر جے آئی ٹی رپورٹس بھی پیش کی ہیں۔
فواد چوہدری نے کہا کہ اب عدلیہ کا فرض ہے کہ اس معاملے کا جائزہ لیں، سیاسی جماعتوں کو جرائم پیشہ عناصر سے پاک کرنا اہم ہے۔
پیپلز پارٹی کا موقف کہ وہ تو عزیر بلوچ اور نثار مورائ کو جانتے ہی نہیں بہت کمزور ہے، @AliHZaidiPTI نے نہ صرف سنجیدہ سوالات اٹھائے ہیں بلکہ ثبوت کے طور پر JIT رپورٹس بھی پیش کی ہیں اب عدلیہ کا فرض ہے کہ اس معاملے کا جائزہ لیں،سیاسی جماعتوں کو جرائم پیشہ عناصر سے پاک کرنا اہم ہے
— Ch Fawad Hussain (@fawadchaudhry) July 8, 2020