اسلام آباد: چینی سفیر کا کہنا ہےکہ کورونا وائرس کی وبا کے خلاف کم مدت میں کامیابی حکومت کے لیے معجزہ ہے۔
چینی سفیر یو جینگ نے کہا کہ آئسولیشن اسپتال کی افتتاحی تقریب میں شرکت فخر کی بات ہے، پختہ یقین ہےکہ پاکستان کورونا وائرس سے جلد چھٹکارا پالے گا۔
انہوں نے کہاکہ وزیر اعظم کی سربراہی میں این سی او سی کی کارکردگی کا مشاہدہ کیا، این سی او سی کا کمانڈنگ سسٹم کورونا کے خلاف بہت مدد دے رہاہے، جس کی وجہ سے پاکستان میں کورونا وائرس کا گراف کافی حدت تک نیچے گیاہے۔
خیال رہے کہ وزیراعظم عمران خان نے اسلام آباد میں آئسولیشن اسپتال کا افتتاح کیا تھا، اسپتال کو کورونا وائرس کی صورتحال کے پیشِ نظر این ڈی ایم اے نے 40 روز میں تیار کیا ہے۔