اسرائیل کے زیرِ محاصرہ علاقے غزہ کے کھلے سمندر میں میزائل گرنے کے نتیجے میں 3 فلسطینی ماہی گیر ہلاک ہو گئے ہیں۔
فلسطین ماہی گیر یونینوں کے سربراہ نذار ایاش نے کہا ہے کہ غزہ کے جنوبی علاقے کے کھلے سمندر میں موجود ماہی گیر کشتیوں پر میزائل گرنے کے نتیجے میں 3 ماہی گیر ہلاک ہو گئے ہیں۔
نذار نے کہا ہے کہ میزائل کس طرف سے گرایا گیا ہے اس بارے میں تاحال کوئی معلومات موجود نہیں ہیں۔
غزہ وزارت صحت اور وزارت برائے لیبر اور قومی سلامتی کی طرف سے بھی تاحال کوئی بیان جاری نہیں کیا گیا۔