امریکہ کی ریاست نیو یارک کے ٹائمز اسکوائر میں مسلح حملے کے نتیجے میں 3 افراد زخمی ہو گئے ہیں۔
نیو یارک پولیس ڈپارٹمنٹ کے سارجنٹ ڈرمیوٹ شیا نے منعقدہ پریس کانفرنس میں کہا ہے کہ ٹائمز اسکوائر میں بعد دوپہر مقامی وقت کے مطابق شام 4 بج کر 55 منٹ کے لگ بھگ اسٹریٹ نمبر 45 اور سیونتھ شاہراہ کے جوار میں اسلحے کی آوازیں سنائی دیں۔
انہوں نے کہا ہے کہ حملے میں ایک 4 سالہ بچی ٹانگ سے زخمی ہوئی ہے۔ زخمی ہونے والے دیگر دو افراد میں سے ایک سیاح ہے ۔ زخمیوں کو ہسپتال میں داخل کر دیا گیا ہے۔
عینی شاہدوں کے مطابق حملہ، چند افراد کے درمیان جھگڑے کے دوران اسلحے کے استعمال کا نتیجہ ہے۔
پولیس، مشتبہ شخص کی گرفتاری کے لئے کوششیں جاری رکھے ہوئے ہے۔