دنیا کے سات امیر ترین صنعتی ممالک کا گروپ جی سیون کورونا کی عالمی وبا پر قابو اپنے کے لیے اہم اعلان کرنے والا ہے۔
خبر کے مطابق،جی سیون رہنماؤں کی سربراہی ملاقات میں کورونا وائرس کی ایک ارب ویکسینز ترقی پذیر اور غریب ممالک کو فراہم کرنے کا اعلان کیا جائے گا۔
ان میں سے نصف امریکہ جبکہ سو ملین برطانیہ مہیا کرے گا۔
دریں اثنا،امریکی صدر جو بائیڈن نے کہا ہے کہ وہ اس عالمی وبا سے نمٹنے کی خاطر دنیا کی مدد کریں گے اور جی سیون ممالک ان کے ساتھ ہیں۔
واضح رہے کہ اس سربراہی اجلاس کا آغاز برطانیہ میں آج سے ہو رہا ہے۔